Strakosha drejt Ligës Premier, akord me Fulhamin për kontratë katërvjeçare

17:17 | 21 Maj 2022
Lorik Gerbeshi

Portieri shqiptar, Thomas Strakosha, është në prag të skadimit të kontratës me Lazion, ndërsa tani është një hap larg kalimit në Ligën Premier te Fulham.

Strakosha do të bashkohet me klubin që është kthyer në Ligën Premier, ku pritet të nënshkruajë kontratë për katër vite.

Sipas Sky Sport, mungojnë vetëm detajet e fundit, ku pastaj Strakosha do të niset drejt Anglisë, ku do të mbrojë portën e klubit nga “Craven Cottage” sezonin e ardhshëm.

Kështu përfundon pas 10 vitesh aventura e Strakoshës në Itali, pasi ai mbërriti në sektorin e të rinjve të Lazios në vitin 2012.

Portieri shqiptar bëri debutimin e tij në Serinë A vetëm katër vjet më vonë, në shtator 2016.

Me fanellën e Laizos ai luajti 207 ndeshje, duke pësuar 244 gola , ndërsa fitoi katër trofe: dy herë Kupën e Italisë ( 2012/13 dhe 2018/19) dhe dy herë Superkupën e Italisë (2017/18 dhe 2019/20).

Shpërndaje në rrjete sociale

Lajmet më të lexuara

Të ngjashme

Foto lajm